Эх, хүүхдийн эрүүл мэндийн үндэсний төвийн албан тушаалтан Г.О байгууллагаас худалдан авах ажиллагааны мэргэшсэн ажилтан бэлтгэх сургалтад зохих журмын дагуу хамрагдаагүй атлаа тус эмнэлгээс зохион байгуулдаг худалдан авах ажиллагааны үнэлгээний хорооны гишүүнээр ажиллах, өөртөө давуу байдал бий болгох үүднээс хууль бус гэрчилгээ гаргуулан авчээ. Уг гэрчилгээг гаргуулахын тулд бусдад хахууль өгсөн аж. Ингээд хахууль өгөх гэмт хэрэгт холбогдож, АТГ-т шалгуулжээ. Нийслэлийн Прокурорын газар түүний эл хэрэгт Эрүүгийн хуулийн 22.5 дугаар зүйлийн 2 /Хахууль өгөх/-т зааснаар яллах дүгнэлт үйлдэн, Дүүргийн эрүү, иргэний хялбар ажиллагааны анхан шатны тойргийн шүүхэд шилжүүлсэн байна.