Дундговь аймгийн засаг дарга С.Мөнхчулуун Хэнтий, Сүхбаатар, Дорнод аймагт гарсан түймэрт нэрвэгдсэн малчдад туслах
“Нэг өрх-Нэг хонь” хандивын аяныг 3 сарын 15-наас 4 дүгээр сарын 1-ний хооронд өрнүүллээ. Уг аянд 2317 малчин, 90 аж ахуйн нэгж нэгдэж, 67 сая төгрөгийн мөнгөн хандив, 2920 хонь, 586 ямаа, 3 адуу, 2 тэмээ, 1 үхэр хандивлав. Үүнийг хонин толгойд шилжүүлбэл нийт 3543 хонь болно. Үүний зэрэгцээ хүнсний бүтээгдэхүүн, соёолжийн даршмал, малын тэжээл, нэмнээ, хүүхдийн оёмол, сүлжмэл гутал, хувцас зэрэг эд зүйлс цуглараад байна.

“Мах импекс”, “Агронэгтгэл”, “Мах маркет” ХХК нийгмийн хариуцлагынхаа хүрээнд хандивын мал, барааг зүүн аймгуудад үнэ төлбөргүй хүргэж өгөхөөр болжээ.
Хандивын дэлгэрэнгүй тайланг энэ сарын 7-нд олон нийтэд танилцуулж, зүүн 3 аймагт хэрхэн хуваарилж, хэрхэн хүргэхээ мэдээлэх юм байна.