Өнөөдөр Дэлхийн эрүүл мэндийн өдөр тохиож байна. Дэлхийн эрүүл мэндийн байгууллага 1948 оны энэ өдөр анх байгуулагдсан цагаас хойш жил бүрийн 4-р сарын 7-ны өдрийг дэлхийн улс орнууд хүн амын эрүүл мэндэд тулгамдаж буй асуудлыг хэлэлцэж, Засгийн газар, нийгмийн анхаарлыг эрүүл мэндийн салбарт хандуулдаг өдөр болгон тэмдэглэсээр иржээ.

ДЭМБ-ын түүхэн 77 жилийн ой тохиож байна. Монгол Улсын хувьд ДЭМБ-ын гишүүнээр 1962 онд элссэн бөгөөд Монгол Улсын Засгийн газар, ДЭМБ-ын хооронд “Техникийн болон мэргэжилтний зөвлөгөө өгөх тусламж”-ийн тухай Үндсэн хэлэлцээрийг 1963 онд байгуулсан түүхтэй.