Нийслэлийн Сонгинохайрхан дүүргийн Цагдаагийн хэлтэст энэ оны дөрөвдүгээр сарын 15-ны өдөр 20 цагийн орчимд “.. дугаар тоотод насанд хүрээгүй хүүхэд бусдад хүчиндүүлсэн байна” гэх дуудлага бүртгэгджээ. Нэрээ нууж, өөрийгөө хуурамчаар танилцуулсан үл таних этгээд 8 настай хүүхдэд “Ус уугаадахъя” гэж хэлэн гэрт нь дагаж ороод, хүчирхийлэхийг завдаад зугтсан байна. Эл хэргийг цагдаагийн байгууллага мөрдөн шалгаж байна.
Иймд эцэг, эх асран хамгаалагч та бүхнийг хүүхдэдээ тавих хараа хяналтаа сайжруулахыг цагдаагийн байгууллагаас анхаарууллаа.