Увс аймгийн Улаангом сумын 10 дугаар багт байрлах “Шинэ Улаангом зах”-ын галыг оройн 20:45 цагт бүрэн унтраажээ. Тус зах шатаж байна гэх дуудлага өнөөдөр 09:23 цагт аймгийн Онцгой байдлын газарт ирсэн байна. Дуудлагын дагуу Онцгой байдлын газрын 56 алба хаагч, 8 нэгж автомашин, техник хэрэгсэлтэйгээр ажиллаж, 13:35 цагт тархалтыг зогсоож, 20:45 цагт бүрэн унтраалаа.

Хүйтний улирал эхэлж, халаалтын ачаалал ихэссэнтэй холбоотойгоор Онцгой байдлын байгууллагад бүртгэгдэх гал түймрийн дуудлагын тоо нэмэгдэж байна. Энэ нь цахилгааны хэт ачаалал, залгуур дамжуулах ажиллагааны буруу хэрэглээ, халаалтын төхөөрөмжийн аюулгүй хэрэглээнээс шалтгаалах эрсдэлийг эрс нэмэгдүүлж байгаа юм.