Ойрх Дорнодын дайны нөхцөл байдлаас улбаалан, ОХУ тэсэлгээний бодис гадаад улсад гаргахыг хоригложээ. Үүнээс шалтгаалан манай улсын аж ахуйн нэгжүүдийн захиалсан тэсэлгээний бодис хил дээр гацах, ОХУ-ын үйлдвэрүүд манайхаас захиалга авахгүй байх зэрэг хүндрэл гарч буй аж.

Энэ асуудлыг шийдэж, Монгол Улсыг уг хоригт оруулахгүй байх талаар Аж үйлдвэр, эрдэс баялгийн сайд Г.Дамдинням өчигдөр (2026.04.09) ОХУ-ын Элчин сайд А.Н.Евсиковыг хүлээн авч, уулзахдаа ярилцаж тохиролцжээ.

Түүнчлэн Г.Дамдинням сайд газрын тосны бүтээгдэхүүнийг Монгол Улсад хөнгөлөлттэй үнээр нийлүүлэх, дизель түлшний нийлүүлэлтийг таслахгүй байх талаар санал тавилаа. Тун удахгүй АҮЭБ-ийн сайд Г.Дамдинням Москва хотод томилолтоор ажиллаж, эдгээр асуудлаар ОХУ-ын эрх бүхий төлөөллүүдтэй уулзаж ярилцахаар тохиролцов.