Оюутан залуусын дунд үндэсний бөхийн өв соёлыг түгээн дэлгэрүүлэх, барилдааны ур чадварыг дээшлүүлэх, тамирчны карьер хөгжил, мэргэжлийн боловсрол эзэмших хүсэл эрмэлзлийг дэмжих зорилгоор Оюутны улсын аварга шалгаруулах барилдаан зохион байгуулахаар болжээ. Тус барилдаан нь 5-р сарын 1-нд болох бөгөөд 18–25 насны их, дээд сургууль, коллежийн бакалавр, магистр түвшний (2.5-аас дээш голч дүнтэй) оюутнууд хамрагдах боломжтой юм. Мөн 1 сургуулиас жин тус бүр 4 хүртэлх бөх оролцоно. Ингэхдээ -65 кг , -75 кг , -85 кг , -95 кг , +95 кг барилдуулах юм. Энэ үеэр мөн уран гараа, дэвээтэй бөх шалгаруулах аж.