Иргэд нийтийн тээврийн автобусаар зорчихдоо “Umoney” карт болон UBcard аппликэйшнийг ашиглаж буй. Гэвч сүүлийн өдрүүдэд тус аппликэйшн ажиллахгүйн дээр цэнэглэхэд алдаа заах зэрэг асуудал тулгарч байна.

Үүнтэй холбоотойгоор Нийтийн тээврийн бодлогын газраас тодруулахад “Систем алдаа заасан хэвээр байна. Одоогоор мэргэжлийн баг уг алдааг засахаар ажиллаж байна. Өнөөдрийн дотор хэвийн болно. Мөн UBcard аппликэйшнийг цэнэглэхэд алдаа гарч байгаа бол засвар хийсний дараа QR кодын төлбөр нөхөн цэнэглэгдэнэ” гэх мэдээлэл өглөө.