Улсын хэмжээнд одоо 504 мянган хүн тэтгэвэр авч байна. Нийгмийн даатгалын ерөнхий хуульд нэмэлт, өөрчлөлт оруулж, тэдний тэтгэврийг 100-300 мянган төгрөгөөр нэмэх гэж байгаагаа Ерөнхий сайд Н.Учрал өнөөдөр зарлалаа.

Тэтгэвэр бол халамж биш. Нийгмийн даатгалын санд хэр олон жил хэр их шимтгэл төлнө, тэр хэрээр өндөр тэтгэвэр авах учиртай. Хэр олон жил НДШ төлнө, тэр хэрээр баталгаат тэтгэвэр нь өндөр байна. Хуулийн хийдлээс болоод тэтгэврийг нь бага тогтоосон 141.042 хүн байгаа аж. Тэдний тэтгэврийг дахиж бодох юм байна.