Шатахууны хангамж, түгээлтийг нэмэгдүүлэх үүрэг бүхий шуурхай штаб аливаа шатахууныг зөөврийн саванд шахаж өгөхийг хориглосон шийдвэрээ өчигдөр цуцалж, зөөврийн саванд олгохыг орон нутгийн ШТС-уудад зөвшөөрсөн. Энэ дагуу аж ахуйн нэгжүүд орон нутаг дахь ШТС-уудаараа зөөврийн саванд шатахуун өгч эхэлжээ. Гэхдээ 20 хүртэлх литрийн багтаамжтай, зориулалтын саванд шатахуун олгоно гэдгээ тус штабт илэрхийлсэн байна.

ШТС-ын галын аюулгүй байдлын дүрмийн 9.2.8-д “Асгарахааргүй хийцтэй, битүү хаагддаг тагтай, 20 литрээс илүүгүй багтаамжтай, бүрэн бүтэн, зориулалтын зөөврийн саванд шатахуун түгээхийг зөвшөөрнө” гэж заасан байдаг.