Хар тамхи хил дамнуулан худалддаг 6 бүлэглэлийн 16 этгээдийг ЦЕГ, ТЕГ хамтран илрүүллээ. Тэд нийт 8 гэмт хэрэг үйлдсэнийг тогтоогоод байна. Тэднийг баривчлах үедээ их хэмжээний синтетик хар тамхи хураан авчээ.
Тухайлбал: М, Б нар Тайланд улсаас синтетик хар тамхийг хувийнхаа эд зүйлд нуун, Монгол Улсын хилээр давуулдаг байжээ. Уг бодисыг нь 4 этгээд хүлээн авч, бусдад худалдан борлуулж байсан аж. М, Б нарыг Тайланд улсын Цагдаагийн газар илрүүлэн, саатуулжээ.
Европоос синтетик гаралтай метамфетамин гэх бодис худалдан авч, хүнсний бүтээгдэхүүн, цахилгаан бараа, гэр ахуйн бараанд нуун, хил давуулаад, зарах гэж байсан хэргийг цагдаа, тагнуул хамтран илрүүллээ.