Өмнөд Солонгосын шүүх авлигын хэргээр ял эдэлж байсан тэргүүн хатагтай асан Ким Гын Хид ажлын байр бэлэглэсэн гэх дуулиантай холбогдуулан дахин 7 жилийн хорих ял сонслоо.

Шүүх хурал шууд явсан бөгөөд шүүхийн шийдвэрийн дагуу 53 настай Кимийг бусдад давуу эрх олгож өндөр албан тушаалд томилоход нь тусалж тэднээс “өндөр үнэтэй үнэт металл” авсан хэрэгт буруутай гэж тогтоожээ.

Прокурорууд Ким Гон Хиг ерөнхийлөгчийн гэргий байх үеийн нөлөөгөө ашиглан үнэтэй бэлэг, мөнгөн хахууль авсан гэж буруутгасан бөгөөд тэрбээр бүх хэргийг үгүйсгэсээр иржээ. Энэхүү шийдвэр нь Ерөнхийлөгч асан Юн Сок Ёлийн засаглалтай холбоотой авлига, эрх мэдлээ урвуулан ашигласан гэх цуврал хэргүүдийн хүрээнд гарч буй хамгийн сүүлийн томоохон шүүхийн шийдвэр болж байна.

Тэргүүн хатагтай асан өмнө нь өөр авлигын хэрэгт 20 сарын ял, дараа нь давж заалдах шатанд 4 жилийн ял авсан ч энэ удаад 7 жилийн ял сонслоо.