Японы нийслэл Токио хот дахь тансаг зэрэглэлийн цаг худалддаг дэлгүүрт хулгайч орж, нийт 1.2 сая ам.долларын үнэ бүхий бугуйн цагнуудыг хулгайлжээ. Ганц удаагийн хулгай гэхэд хохирлын хэмжээ нь их байгааг “Reuters” мэдээллээ.

Цагдаагийн байгууллага уг хэргийг шалгаж, хулгайч нарыг эрэн сурвалжилж эхэлжээ. Мөн дэлгүүрийн хяналтын камерын бичлэг, хэргийн газарт үлдсэн байж болзошгүй ул мөрийг шалгаж байгаа аж.

Тансаг зэрэглэлийн бугуйн цаг нь жижиг хэмжээтэй хэрнээ өндөр үнэ хүрдэг тул хулгайчийн бай болдог. Ялангуяа ховор загвар, үнэт металл болон үнэт чулуу ашигласан цагнуудын үнэ хэдэн арван мянгаас хэдэн зуун мянган ам.долларт хүрэх нь бий.

Япон харьцангуй аюулгүй оронд тооцогддог ч Токио бол Дэлхийн томоохон худалдаа, санхүүгийн төвүүдийн нэг. Тансаг зэрэглэлийн барааны томоохон зах зээл юм. Тус хотод “Ginza” зэрэг дүүрэгт олон улсын алдартай цаг, үнэт эдлэлийн брэндүүдийн дэлгүүрүүд төвлөрдөг.

Цагдаа нар хулгайд алдсан цагнуудыг бусдад зарахаас өмнө илрүүлэх, хураах нь чухал байна.