Төрийн өмчит “Дарханы төмөрлөгийн үйлдвэр” ХХК-тай төмрийн хүдэр худалдах гэрээ байгуулахын тулд Д.Ү тус компанийн нэр бүхий удирдах албан тушаалтнуудад нийт 140 сая төгрөгийн хахууль өгсөн байна. АТГ уг хэргийг шалгаж тогтоогоод, шүүхэд шилжүүлэх саналтайгаар Дархан-Уул аймгийн Прокурорын газарт шилжүүлжээ. Прокурор тус хэрэгт Эрүүгийн хуулийн 22.5 дугаар зүйлийн 1 дэх хэсэг (Хахууль өгөх)-т зааснаар яллах дүгнэлт үйлдэж, Дархан-Уул аймаг дахь Сум дундын анхан шатны шүүхэд шилжүүлэв.