31 дэх удаагийн SAG Awards шагнал гардуулах ёслол зохион байгуулагдлаа


1995 оноос хойш олгож эхэлсэн, Оскар болон Алтан бөмбөрцөг наадмын дараа жагсдаг Холливудын томоохон шагнал болох SAG Awards шагнал гардуулах ёслолын арга хэмжээ даваа гарагт зохион байгуулагдаж, 2024 оны телевиз болон кино урлагийн салбарын шилдгүүдийг тодруулсан байна.

31 дэх удаагийн Screen Actors Guild Awards шагнал гардуулах ёслолын арга хэмжээ Лос Анжелес хотын Shrine Auditorium цогцолборт зохион байгуулагдлаа. Энэ жилийн арга хэмжээг жүжигчин Кристен Белл хөтлөн явуулжээ.

Уг шагналыг телевизийн болон кино уран бүтээлийн гол болон туслах дүрийн жүжигчин, мөн нийт жүжигчдийн баг бүрэлдэхүүнд жүжиглэх ур чадварыг нь үнэлэн олгодог бөгөөд шагналын эздийг тодруулах саналыг жүжигчид өөрсдөө өгдөгөөрөө онцлогтой юм.

Энэ жилийн SAG Awards шагнал гардуулах ёслолын арга хэмжээнд Лос Анжелес хотын ой хээрийн түймрийг унтраахад оролцсон тус хотын гал сөнөөх албаны ажилтнуудыг хүндэт зочны хувиар урьж оролцуулжээ.

Түүнчлэн кино урлагт оруулсан хувь нэмрийг нь өндрөөр үнэлж ахмад жүжигчин Жейн Фондад хүндэтгэлийн шагналыг гардуулсан байна.

Ингээд энэ жилийн SAG Awards-ийн шилдгүүдийг танилцуулья:

Шилдэг кино жүжигчдийн баг – Conclave

Шилдэг гол дүрийн эмэгтэй жүжигчин – Деми Мур (The Substance)

Шилдэг гол дүрийн эрэгтэй жүжигчин – Тимоти Шаламе (A Complete Unknown)

Шилдэг инээдмийн цувралын жүжигчдийн баг – Only Murders in the Building

Шилдэг драм цувралын жүжигчдийн баг – Shōgun

Шилдэг туслах дүрийн эмэгтэй жүжигчин – Кийран Калкин (A Real Pain)

Шилдэг туслах дүрийн эмэгтэй жүжигчин – Зои Салдана (Emilia Pérez)

Телевизийн кино болон цувралын шилдэг гол дүрийн эрэгтэй жүжигчин – Колин Фаррелл (The Penguin)

Телевизийн кино болон цувралын шилдэг гол дүрийн эмэгтэй жүжигчин – Жессика Ганнинг (Baby Reindeer)

Телевизийн инээдмийн цувралын шилдэг гол дүрийн эмэгтэй жүжигчин – Жин Смарт (Hacks)

Телевизийн инээдмийн цувралын шилдэг гол дүрийн эрэгтэй жүжигчин – Мартин Шорт (Only Murders in the Building)

Телевизийн драм цувралын шилдэг гол дүрийн эрэгтэй жүжигчин – Хироюуки Санада (Shōgun)

Телевизийн драм цувралын шилдэг гол дүрийн эмэгтэй жүжигчин – Анна Саваи (Shōgun)

Уран сайхны киноны шилдэг орлон тоглогчдын баг – The Fall Guy

Телевизийн цувралын шилдэг орлон тоглогчдын баг – Shōgun

,

Leave a Reply

Your email address will not be published. Required fields are marked *