Сэлэнгэ аймгийн Мандал сумын Баянхангай багийн Баруун-Өлөнт гэдэг газарт байрлах автозамын гүүрнээс өнөө өглөө үүрээр 4 зорчигчтой суудлын машин унасан осол гарлаа. Уг машины 2 зорчигч машиныхаа төмөр хийцэд хавчуулагдан, гарч чадаагүй байна. Тэднийг гаргуулахаар замын цагдаа 06:50 цагт онцгой байдлын албанд дуудлага өгчээ.
Тус аймгийн Онцгой байдлын газрын 19 дүгээр ангийн албан хаагчдыг очиход, “Crown” загварын суудлын автомашин гүүрний баруун талын жалга руу унаж, 2 зорчигч нь уг машины арын суудалд дарагдсан байсан аж. Тэднийг эсэн мэнд гаргаж, Мандал сумын Нэгдсэн эмнэлэгт хүлээлгэн өгсөн байна.