Монгол Улсын иргэн Э.Ц, гадаад улсын иргэн Ф.Ш нар гадаад улсын мөнгөн дэвсгэртийг хуурамч гэдгийг мэдсээр байж ашигласан, хадгалсан, тараасан, мөнгө угаасан хэрэгт холбогджээ. Цагдаагийн байгууллага энэ хэргийг шалгаж дуусаад, шүүхэд шилжүүлэх саналтайгаар прокурорын байгууллагад шилжүүлсэн байна.

Улсын яллагч Эрүүгийн хуулийн 18.6 дугаар зүйлийн 1 /Мөнгө угаах/, 18.7 дугаар зүйлийн 2 /Мөнгөн тэмдэгт, үнэт цаас, төлбөр тооцооны хэрэгсэл хуурамчаар бэлтгэх, ашиглах/-т зааснаар уг хэрэгт яллах дүгнэлт үйлдэн, Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд шилжүүллээ.