Хонконг хотын хэрэгцээт цэвэр усны 80 хувийг хангадаг Дунжян-Шэньжэнь хотын усан сан хангадаг. Уг усан санг байгуулаад 60 жил болж байна. Уг санг тэжээдэг гол Зүүн Хятадын Зянши мужаас эх авч, өмнөд хэсгийн Гуандун мужаар дамжин, Дунжян голд цутгадаг. Энэ голоос эх авдаг усан сан дангаараа Хонконгийн усны хэрэгцээний 80 хувийг хангадаг байна. 1963 онд Хонконгт маш их хохирол дагуулсан ган гачиг болсны дараа Дунжян голын усыг хуримтлуулахаар 1964 онд усан сан байгуулах төсөл эхлүүлжээ. Хонконгийг усаар хангах төсөл ердөө нэг жилийн дотор дуусаж, 1965 оны 3-р сарын 1-нд ашиглалтад орсноор Хонконгод усны хомсдол дахиж нүүрлээгүй гэдэг.

1960-аад онд 68 сая шоо метр ус нийлүүлдэг байсан уг сангийн хүчин чадлыг дөрвөн удаа сайжруулжээ. Одоогийн байдлаар 2.4 тэрбум шоо метр болж өргөжсөн нь хотыг олон улсын санхүү, худалдаа, далайн тээврийн төв болгоход тусалсан байна. 2025 оны 3-р сарын байдлаар дээрх төсөл Хонконгод 30 тэрбум шоо метр ус нийлүүлсэн гэж албан ёсоор мэдэгджээ.

Усны эх үүсвэрийг бохирдуулахгүйн тулд Жянши мужийн Анюань муж мод бэлтгэх, загасчлах, олборлолт хийхийг бүр мөсөн хориглосон байна. Өнгөрсөн 60 жилийн хугацаанд агаар бохирдуулж буй 160 гаруй аж ахуйн нэгжийг татан буулгаж, ойжуулалтыг 83 хувь болгож нэмэгдүүлжээ.