Хэнтий аймгийн Цэнхэрмандал сумын Согоот багийн Устынхоолой гэдэг газар өчигдөр 17:00 цагийн үед 2 автомашин мөргөлдөж, жолооны хүрдэнд хүн хавчуулагдсан байна. Нийслэлийн Багануур дүүргийн Онцгой байдлын хэлтсийн 64 дүгээр ангийн албан хаагчдыг очиход “Sonata”, “Land Cruiser Prado” загварын машинууд мөргөлдөж, “Sonata” загварын автомашины жолооч А /40 настай, эрэгтэй/ машиныхаа төмөр хийцэд хавчуулагдсан байжээ. Түүнийг эсэн мэнд гарган, Багануур дүүргийн ЯТТ-ийн их эмчид хүлээлгэн өгсөн байна.