2025 оны Хятадын их, дээд сургуулийн элсэлтийн шалгалт 6-р сарын 7-10-ны хооронд болно.

Энэхүү шалгалт нь сурагчдын ирээдүйн замналд чухал нөлөөтэй байдаг тул шалгалтын бэлтгэл ажлыг маш нарийн зохион байгуулж байна. Тухайлбал зарим муж, орон нутгийн захиргаа, хувийн хэвшлийн санаачлагаар төгсөгч хүүхдүүдийг дэмжиж төрөл бүрийн үйл ажиллагаа явуулахын тулд бэлтгэл ажлаа хангаж эхэлжээ.

Ийн шалгалтад оролцогчдод сэтгэлзүйн болон бусад шаардлагатай дэмжлэгийг хангахын тулд нутгуудын захиргаа, боловсролын байгууллага, багш, эцэг эхчүүл, сайн дурынхан, төрийн бус байгууллагууд тал талаас идэвхтэй ажиллацгааж байгаа юм.