“Утсаараа яриулаач” гэж хүний гар утсыг гуйж аваад зугтсан хэрэг Дарханд гарлаа. “Танихгүй хүн миний гар утсыг аваад явчихлаа” гэх тусламж хүссэн дуудлага 9 дүгээр сарын 7-нд Дархан-Уул аймгийн Цагдаагийн газарт иржээ. Иргэн “Т”-ийн “Самсунг” маркийн гар утсыг үл таних этгээд авч, зугтсан байна.

Дархан-Уул аймгийн Цагдаагийн газраас тухайн этгээдийг шуурхай эрэн сурвалжилж, илрүүлжээ. Тэр этгээд хохирогчийн гар утсыг буцаан өгч, хохирлыг барагдуулсан аж. Харин түүний үйлдсэн хэрэгт нь эрүүгийн хариуцлага хүлээлгэх аж.